Grupi libanez Hezbollah tha të hënën se ka lëshuar dhjetëra raketa Katyusha në një bazë të ushtrisë izraelite në lartësitë e pushtuara të Golanit.
“Raketat u hodhën për të synuar selinë e Divizionit Golan në bazën Nafah”, tha grupi në një deklaratë.
Nga ana e saj, radioja e ushtrisë izraelite raportoi se rreth 30 raketa u lëshuan drejt Lartësive të Golanit dhe forcat izraelite u kundërpërgjigjën ndaj zjarrit.
Ushtria izraelite tha se pati një përgjim të një mjeti ajror pa pilot që po vinte drejt Izraelit nga lindja.
Nuk raportohet për të lënduar apo dëme.
Ndërkohë, agjencia zyrtare e lajmeve e Libanit tha se tre civilë u plagosën të dielën vonë në një sulm ajror izraelit në një fabrikë në Baalbek.
Ushtria izraelite tha se ka kryer sulme ajrore gjatë natës duke goditur objektivat e Hezbollahut në Libanin jugor dhe thellë brenda vendit, me qëllim goditjen e kompleksit ushtarak të Hezbollahut në zonën Sfiri.
Tensionet janë rritur përgjatë kufirit të Libanit me Izraelin në mes të sulmeve ndërkufitare midis Hezbollahut dhe forcave izraelite ndërsa Tel Aviv po ecën përpara me ofensivën e tij vdekjeprurëse në Rripin e Gazës, e cila ka vrarë afro 34,700 njerëz që nga tetori i kaluar pas një sulmi të Hamasit.