Dy vajza dyshohen se janë goditur nga një veturë derisa po kalonin në vendkalim për këmbësor në rrugën “Luan Haradinaj” në Prishtinë, raporton Prishtina Sot.
Lajmin e ka konfirmuar edhe zëdhënësja e Policisë për rajonin e Prishtinës, Flora Ahmeti, ku tha se në këtë aksident është përfshirë një automjet dhe dy kombësore për pasojë kanë pësuar lëndime trupore.
“Sot rreth orës 14:30, në rrugën “Luan Haradinaj” në Prishtinë, ka ndodhur një aksident trafiku, ku është përfshirë një automjet dhe dy këmbësore. Si pasojë e aksidentit janë lënduar dy persona (këmbësoret). Personat e lënduar janë dërguar për tretman mjekësor, rasti po hetohet nga njësiti i trafikut”, tha ajo.