Edhe të dyshuar për plagosjen e dyfishtë më 22 maj të këtij viti në Prizren, janë vetdorëzuar në polici pasditen e së martës.
Policia ka njoftuar se sot janë dorëzuar Shaqir dhe Isuf Likaj pas shpalljes në kërkim nën dyshimet për kryerjen e veprave penale Vrasje e rëndë në tentative, Lëndim i rëndë trupor, Mbajtje në pronësi, kontroll ose posedim të paautorizuar të armëve si dhe Pjesëmarrje në rrahje.
Ndërkaq, dje gjatë ditë Gazeta ka njoftuar se në Polici është dorëzuar edhe Abedin Likaj.
Policia e Kosovës kishte shpallur dje në kërkim gjashtë anëtarët e familjes Likaj, ndërkaq ata janë dorëzuar në polici.
“Hetuesi policor gjate hetimit te rasti ne cilësinë e provave materiale kanë arrit te gjejnë dhe të sekuestrojnë një revole prodhim Jugosllave “Cervena Zastava”,cal 9 mm dhe një karkator pa fishek, për te cilën dyshohet se është përdorur. Të njëjtit në prani të avokatit mbrojtës janë intervistuar”, thuhet në njoftimin e policisë.
Në kërkim vazhdojnë të jenë:
Hajdin Zenel LIKAJ 13.05.1971, fshati Krajk, komuna e Prizrenit
Zenel Abedin LIKAJ 01.10.1988, fshati Krajk, komuna e Prizrenit
Isuf Shaqir LIKAJ 26.08.1995, fshati Krajk, komuna e Prizrenit
Kujtojmë se vëllezërit Shaqir e Hajdin Likaj janë akuzuar për vrasjen e vëllait të tyre, Kujtim Likaj, në vitin 2015.
Ata akuzoheshin se më 31 gusht 2015, me dashje direkte dhe me paramendim ndërmarrin veprime me përdorim të armëve të zjarrit, duke e privuar nga jeta vëllain e tyre. Incidentit tragjik i kishte paraprirë një mosmarrëveshje e mëhershme si dhe konflikti verbal në ditën kritike lidhur me kalimin e automjeteve të dasmorëve nëpër rrugën e tyre të përbashkët.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.