Ka vdekur shkrimtari Adem Gashi. Lajmi për vdekjen e tij është bërë i ditur nga djali i tij, Dardani. Ai ka thënë se babai i tij ka ndërruar jetë mëngjesin e sotëm.
“Sot në mëngjes, baba ynë Adem Gashi ndërroi jetë. Varrimi i Ademit bëhet sot (e Martë) në ora 15:00 në fshatin Nekoc\ Drenas”, njoftoi ai.
Në vitin 2022, Adem Gashi fitoi Çmimin Kombëtar Letrar për Vepër Jetësore “Azem Shkreli” i cili ndahet nga Ministria e Kulturës, Rinisë dhe Sportit.
Ndërsa në vitin 2018, Adem Gashi ishte fitues i vendit të dytë në konkursin e poezisë “KultStrofa” të organizuar nga KultPlus.