86-vjeçarja Gjylije Dani do të përcillet sot për në banesën e fundit.
E moshaura u vra me thikë ditën e djeshme nga djali i saj, Arsen Dani. 62-vjeçari ka shfaqur probleme të theksuara të shëndetit mendor, ndërsa po mbahet në dhomat e paraburgimit të komisariatit të Lezhës.
“Kam vrarë 2 mijë vetë s’më besoi njeri, pasi vrava nënën time dhe më besuan”, kështu është shprehur para hetuesve Arsen Dani.
Ngjarja e rëndë ndodhi brenda apartamentit ku jetonin në lagjen “Besëlidhja” të qytetit të Lezhës. 86-vjeçarja dhe djali i saj jetonin bashkë në një apartament në Lezhë, ndërsa dy fëmijët e tjerë të viktimës banojnë në Tiranë.
Arsen Dani u arrestua disa minuta pas vrasjes.
![](https://i0.wp.com/top-channel.tv/wp-content/uploads/2024/05/3a51bea5-6702-4802-8763-d275e5076f63-225x450.jpg?resize=225%2C450&ssl=1)