Tre të vrarë gjatë të shtënave në një shkollë në Bosnje

 

 

Një sulmues hapi zjarr duke vrarë tre persona dhe plagosur rëndë një tjetër në një gjimnaz në Sanski Most, në veriperëndim të Bosnje e Hercegovinës.

Sulmuesi qëlloi tre punonjës të shkollës me një pushkë automatike, përcjell Gazeta online  Reporteri.net. Sipas raportimeve të mediave në Bosnjë, punonjësi i shkollës ka vrarë drejtorin, një profesoreshë dhe sekretaren e shkollës.

Më pas ai ka tentuar të vrasë veten duke pësuar lëndime të rënda.

“Të shtënat kanë ndodhur në orën 10:15, mashkulli N.N ka përdorur një armë zjarri automatik për të vrarë tre punonjës të shkollës. Pas kësaj, me shumë gjasa ka tentuar të vras edhe veten dhe ka pësuar lëndime të rënda trupore. Ai është transferuar në Qendrën Emergjente të Banja Lukës. Policia është në vendin e ngjarjes”, tha Adnan Beganoviq, zëdhënës i MPB-së të Qarkut Una-Sana.

Leave a Reply

Your email address will not be published. Required fields are marked *

%d