Prokuroria Themelore në Gjilan gjatë ditës së sotme ka ngritur aktakuzë ndaj të katër ata dyshohen për ’Uzurpimi i paligjshëm i pronës së paluajtshme’ dhe ‘’Keqpërdorimi i pozitës apo autoritetit zyrtar’. Gazeta Insajderi sjell emrat e personave që i është ngritur aktakuzë.
Sipas aktakuzës njëri nga të dyshuarit G.P ka uzurpuar disa prona me të cilat administron Agjencia Kosovare e Privatizimit.
Ndërsa tre të dyshuarit e tjerë si persona zyrtarë me qëllim të përfitimit të kundërligjshëm pasuror kanë keqpërdorur detyrën zyrtare.
Insajderi ka mësuar dy personat që i është ngritur aktakuzë janë Gjevalin Nikollbibaj dhe Genc Pozhegu.
Gjevalin Nikollbiba siç merr vesh Gazeta Insajderi është Drejtor për Gjeodezi, Kadastër dhe Pronë në Gjakovë.
Ndërsa Genc Pozhegu është biznesmen.
Sipas aktakuzës ai ka uzurpuar disa prona me të cilat administron Agjencia Kosovare e Privatizimit.
“I pandehuri G.P., që nga viti 2021, në mënyrë të kundërligjshme ka uzurpuar dy parcela kadastrale, njëra në sipërfaqe prej 14357 m² dhe tjetra në sipërfaqe prej 8859 m², pronë e Ndërmarrjes Shoqërore “Ereniku Prodhimtaria Primare” në Gjakovë, me të cilën administron Agjencia Kosovare e Privatizimit, ashtu që i pandehuri në vazhdimësi ka shfrytëzuar këto prona duke ndërtuar 3 objekte dhe duke vendosur një kontejner, pa ndonjë bazë të vlefshme juridike”, thuhet në njoftim.
Ndërsa tre të dyshuarit e tjerë si persona zyrtarë me qëllim të përfitimit të kundërligjshëm pasuror kanë keqpërdorur detyrën zyrtare.
“Të pandehurit V.I. dhe M.SH., në cilësinë e Kryetarit të Komisionit për Komasacion nga Drejtoria për Kadastër, Gjeodezi dhe Pronë në Komunën e Gjakovës, si dhe i pandehuri Gj.N., në cilësinë e Drejtorit të Drejtorisë për Kadastër, Gjeodezi dhe Pronë në Komunën e Gjakovës, me qëllim të përfitimit të kundërligjshëm pasuror kanë keqpërdorur detyrën zyrtare, duke qenë në dijeni se parcelat e sipërshënuara janë pronë e Ndërmarrjes Shoqërore “Ereniku Prodhimtaria Primare” në Gjakovë, me të cilën administron Agjencia Kosovare e Privatizimit, ashtu që i pandehuri V.I., i ka mundësuar palës A.N., bartjen e pronës në emër të tij, duke u bazuar në kërkesën e tij verbale”, thuhet tutje në njoftim.
Më tutje në njoftim thuhet se i dyshuari M.SH i ka mundësuar palës A.N bartjen e pronës në emër të tij.
“I pandehuri M.SH., i ka mundësuar palës A.N., bartjen e pronës në emër të tij, duke nxjerrë aktvendim, si dhe duke përpiluar dhe nënshkruar kopjen e planit për parcelën, ndërsa, i pandehuri Gj.N., i ka mundësuar të pandehurit G.P. bartjen e pronës në emër të tij, duke nxjerrë aktvendim me të cilin të njëjtit i aprovohet kërkesa për bartjen në pronësi të parcelave”.