Juraj Cintula, i dyshuar për plagosjen e kryeministrit sllovak Robert Fico, akuzohet për tentim vrasje me hakmarrje të paramenduar të një personi të mbrojtur dhe përballet me dënim të mundshëm nga 25 vjet deri në burgim të përjetshëm, raportojnë mediat sllovake.
Dje pasdite në qytetin Handlovu, ai ka gjuajtur me pesë plumba në drejtim të kryeministrit të Sllovakisë, dy prej të cilëve e kanë goditur Ficon.
Siç raportohet, një plumb ka kaluar në stomakun e kryeministrit dhe tjetri e ka goditur në kyçin e dorës.
Ndonëse informacionet e para thanë se Ficos është në rrezik për jetën, të fundit thonë se ai është “në një gjendje të qëndrueshme”.
Dje, pas arrestimit, Cintula tha se e qëlloi kryeministrin “sepse nuk ishte dakord me politikat e tij qeverisëse”.
Kur iu kërkua më shumë shpjegim, ai tha:
“Pse po sulmohet Radio Televizioni i Sllovakisë? Pse u shkarkua Mazák (një gjyqtar)?”.
Sulmi ndaj kryeministrit sllovak u dënua nga liderë nga e gjithë bota, duke përfshirë Presidenten e Komisionit Evropian Ursula von der Leyen, presidentin e Këshillit Evropian Charles Michel, kryeministrin hungarez Viktor Orban, sekretarin e përgjithshëm të NATO-s Jens Stoltenberg etj.