Projekti i restaurimit të Kompleksit Memorial ‘Adem Jashari’ në Prekaz

 

 

Më shumë se një vit nga shpallja e tenderit, Ministria e Kulturës, Rinisë dhe Sportit të hënën shpalli fituesin e kontratës gati 8 milionë euro për zhvillimin e masterplanit për Kompleksin Memorial “Adem Jashari” në Prekaz.

Vlera e kontratës është 7 milionë e 890 mijë euro, gati 5 milionë më shumë sesa vlera e parashikuar.

Projekti fitues parasheh që Kompleksi të shtrihet në një hapësirë 450 hektarëshe në fshatin Prekaz.Ministri i Kulturës, Rinisë dhe Sportit, Hajrulla Çeku ka pohuar se sakrifica e familjes Jashari ka qenë dhe mbetet shembull përherë.

“Obligim i yni dhe nder njëkohësisht. Trimëria e fisnikëria, heroizmi e sakrifica e familjes Jashari kanë qenë e do të mbesin shembull përherë”, ka pohuar Çeku.

Ndërsa, kryeministri Albin Kurti e ka cilësuar si një nga proceset më të rëndësishme dhe më delikate të vendit tonë.

“E mu për këtë, Kompleksi Memorial “Adem Jashari” në Prekaz është vendi më i rëndësishëm i kujtesës kombëtare e konceptuar si “Oda e kombit”. Vetëmohimi, sakrifica e vetëflijimi i familjes Jashari janë gurëthemel i çlirimit të vendit tonë dhe për më tepër janë shembull botëror i flijimit për liri”, u shpreh Kurti ditën e hënë.

Ndryshe, në bazë të prezantimit të projektit, kullat do të vendosen apo ruhen nën xham transparent në mënyrë që nga vizitorët të shihen më qartë.

Në projekt shihet se kësaj hapësire do t’i shtohet edhe një muze kombëtar brenda kompleksit, librari, ekspozitë të përhershme, hapësira për vizitorë, pjesa për fëmijë ku do të mësojnë më shumë për historinë e Kosovës, arkiv, hapësirë për trajnime dhe një tjetër për konferenca, restorant, hapësira të gjelbra për agrikulturë, amfiteatër etj.

 

Leave a Reply

Your email address will not be published. Required fields are marked *

%d