Presidenti i Republikës së Shqipërisë, Bajram Begaj, do të vizitojë Komunën e Drenasit të hënën, ku do të pritet me ceremoni të veçantë nga kryetari i komunës, Ramiz Lladrovci. Në këtë ngjarje të rëndësishme, Presidenti Begaj do të nderohet me titullin “Qytetar Nderi” i Komunës së Drenasit, në shenjë mirënjohjeje për kontributin e tij ndaj Kosovës.
Sipas agjendës zyrtare, Presidenti Begaj do të arrijë në Komunën e Drenasit në orën 10:30, ku do të pritet nga Kryetari Lladrovci dhe stafi i tij. Pas një pritjeje të shkurtër në kabinetin e Kryetarit, delegacioni do të zhvendoset në Asamble për ceremoninë zyrtare.
Agjenda e plotë e vizitës së Presidentit Begaj në Drenas:
– *10:30* – Arritja e Presidentit në Komunën e Drenasit.
– *10:35* – Pritja nga Kryetari Ramiz Lladrovci në kabinetin e tij.
– *10:55* – Zhvendosja në Asamblenë e Komunës, ku do të jenë të pranishëm asamblistët, mysafirët dhe zyrtarët komunalë.
– *11:00* – Fillimi i Seancës së veçantë.
– *11:05* – Fjala hyrëse dhe mirëseardhje nga Kryesuesi i Asamblesë.
– *11:10* – Fjalë rasti nga Kryet