Një aksion i Policisë së Kosovës po zhvillohet në pjesën veriore të Kosovës. Raportohet se Njësitet e Policisë së Kosovës aksionin po e zhvillojnë në disa institucione.
Ndërsa rastin e ka konfirmuar edhe zëvendësdrejtori i Policisë në rajonin e Mitrovicës së Veriut, Veton Elshani
“Policia e Kosovës në bazë të informacioneve të pranuara se në disa biznese në veri të vendit është duke u zhvilluar veprimtari e kundërligjshme, me autorizim të prokurorit policia ka ndërhyrë dhe të njëjtat janë duke u kontrolluar”, tha Elshani
Mediumi serb KosovoOnline ka publikuar edhe disa pamje nga aksioni.