Pas vrasjes së Donald Trump, në rrjetet sociale filloi të shpërndahej një video e mbretit britanik Çarls, i cili u tentua të vritej nga 23-vjeçari David Kang në Sidnej të Australisë në vitin 1994.
Videoja është bërë virale dhe njerëzit komentojnë ‘gjakftohtësinë’ e tij teksa përpiqen ta vrasin.
“Kështu reagon ai ndaj atentatit në një mënyrë britanike”, shkruan një komentues.
“Princi Çarls, sot mbreti, sheh atentatorin duke rregulluar mëngën”, shkruan një tjetër komentues.
David Kang u ngjit në skenë dhe eci drejt Çarlsit me një armë ‘starter’ në dorë, më pas qëlloi dy herë me armë.
Princi i atëhershëm Çarls tregoi një qetësi të madhe me këtë rast, derisa Kang u hoq nga skena nga sigurimi, ai vazhdoi fjalimin e tij të planifikuar për ceremoninë e rastit.
Incidenti në Australi ndodhi në janar të vitit 1994 kur Princi i atëhershëm Çarls po përgatitej t’u jepte çmimet fëmijëve në prani të 20 mijë njerëzve në audiencë. Për shkak të qetësisë që arriti të ruante gjatë këtij incidenti të pakëndshëm, mediat në Angli e quajtën Çarlsin ‘princi gjakftohtë’.
Si motiv për sulmin e tij, Kang përmendi situatën e refugjatëve kamboxhianë në Australi, për të cilën ai donte të tërhiqte vëmendjen, sepse shteti po i vendoste ata në qendra pritjeje të papërshtatshme. Kang më vonë u dënua me 500 orë shërbim në komunitet për këtë tentativë vrasje.