Instituti Hidrometeorologjik i Kosovës, ka paralajmëruar se sot pasdite dhe nesër gjatë gjithë ditës priten reshje shiu me intensitet të lartë, erëra të forta, shkarkime rrufesh, si dhe ulje të ndjeshme të temperaturave.
Duke pasur parasysh këto kushte, Komuna e Prishtinës u bën thirrje qytetarëve që të kenë kujdes të shtuar.
“ Shmangini lëvizjet e panevojshme gjatë periudhave me mot të keq. Siguroni objektet e brishta apo të rrezikshme në oborret dhe ballkonet tuaja. Respektoni udhëzimet e autoriteteve për sigurinë dhe shëndetin tuaj. Gjithashtu, ekipet e emergjencave të kryeqytetit dhe zjarrfikësit janë në terren për të siguruar ndihmë të menjëhershme në rast nevoje”, thuhet në njoftimin e Komunës së Prishtinës.
Ju lutemi në rast nevoje kontaktoni #pa pagesë 24/7 në Qendrën Operative Emergjente të #Kryeqytetit në numrat:
080012233
080012244
Dhe në numrat:
193 Zjarrfikësit
192 Policia
194 Shërbimi Mjekësor Emergjent