Presidentja e Republikës së Kosovës, Vjosa Osmani nga Bashkësinë Islame e Kosovës ka uruar të gjithë besimtarët myslimanë për festën e Fitër Bajramit, ndërsa ka falënderuar BIK-ub për rolin që luan në mënyrë që shteti të ecë para.
Osmani tha se shpreson që lutjet përgjatë Ramazanit të jenë lutje të pranuara. Ajo ka shtuar se do të vazhdojë të bashkëpunojë me BIK-un në të mirë të qytetarëve dhe të popullit.
“Shpresojmë që lutjet përgjatë muajit të shenjtë të Ramazanit të jenë lutje të pranuara dhe për t’i falënderuar për rolin që Bashkësinë Islame e Kosovës në mënyrë që shteti ynë, qytetarët tanë të ecin përpara. Unë dua që t’i falënderojë për bashkëpunimin e gjithmonshëm kryemyftiun Tërnava dhe bashkëpunëtorët e tij në mënyrë që sfidat me të cilat ballafaqohet vendi ynë dhe shteti ynë t’i tejkalojmë sa më parë e sa më mirë dhe t’i falënderojë edhe për kontributin që e kanë dhënë gjatë muajit të Ramazanit, duke i dhënë përkrahje dhe ndihma të gjitha familjeve që janë në nevojë do të vazhdojmë të punojmë së bashku në të mirë të qytetarëve tanë, në të mirë të shtetit tonë të dashur dhe edhe një herë urime të gjithëve festa e Bajramit”, është shprehur Osmani.
Me rastin e festës së Fiter Bajramit, Bashkësia Islame e Kosovës është vizituar nga krerët e lartë shtetërorë, përfaqësues të partive politike dhe drejtues të tjerë të institucioneve.