Qeveria e Pedro Sanchez ka njoftuar se ka vullnet për ta njohur Palestinën si shtet të pavarur. Duke e marrë këtë si shkas, opinionisti Guillem Pursals në gazetën spanjolle “El Independiente” shkruan se para Palestinës do të ishte e rëndësishme të trajtohej situata në Kosovë. “Nëse është urgjente, siç tha Sanchez, njohja e Palestinës, ne duhet ta njohim Kosovën”, thuhet në artikullin e gazetës spanjolle.
“Spanja është një nga shtetet e pakta evropiane që nuk e njeh pavarësinë e Kosovës. Pjesa tjetër janë Rumania, Moldavia, Sllovakia, Greqia, Serbia, Qipro dhe Bosnje-Hercegovina. Kjo e fundit sepse minoriteti serb bllokon njohjen”, thuhet në artikull.
Pursals shkruan se kur Spanja avokon që Palestina të jetë pjesë e OKB’së, e thellon kontradiktën me mosnjohjen e Kosovës.
“Për më tepër, ka një kontradiktë të rëndësishme në pozicionin spanjoll, ashtu si në atë të Greqisë, Rumanisë dhe Sllovakisë. Që nga 1 janari i këtij viti, Kosova është pjesë e zonës Shengen dhe, për rrjedhojë, çdo qytetar i Kosovës mund të udhëtojë pa pasur nevojë për vizë nëpër të gjitha shtetet e nënshkruara në të njëjtin traktat të lëvizjes së lirë, pavarësisht se nuk është pjesë e Shengenit. Bashkimi Evropian, si pjesa tjetër e shteteve ballkanike, si Shqipëria, Bosnja dhe Hercegovina, Maqedonia e Veriut, Mali i Zi dhe Serbia, të cilat janë të gjitha të njohura ndërkombëtarisht. Kështu, fakti që Spanja avokon që Palestina të jetë në Kombet e Bashkuara si shtet sovran dhe i pavarur, thellon edhe më shumë kontradiktën me mosnjohjen e Kosovës.”
Opinionisti spanjoll shkruan se invazioni rus në Ukrainë ka ndezur tension në Ballkanin Perëndimor, derisa Vuçiq gjithnjë e më shumë e përdor retorikën e tij ultranacionaliste.
Nga njëra anë Kosova njihet si shtet i lidhur me Zonën Shengen dhe për këtë arsye njihet edhe pasaporta e Kosovës. Ndërsa, nga ana tjetër, Bosnje-Hercegovinës i hapet dera për të hyrë në Bashkimin Evropian, ndërsa Shqipëria shkon drejt anëtarësimit. Në këtë kontekst, Kosova nuk mund të qëndronte në tokë të askujt.
“Serbia, nga ana e saj, po tërhiqet përsa i përket lirive civile dhe politike, siç konfirmohet nga raporti i fundit i Freedom House, dhe ka mbyllur marrëveshjet e sigurisë dhe bashkëpunimit me Rusinë në mes të pushtimit të saj në Ukrainë. Prandaj, do të ishte e këshillueshme që BE-ja të koordinonte qëndrimin e saj për këtë çështje, nëse Serbia vendos të shkojë më tej, pa e ditur se cila do të jetë jeta e përtejme. Presidenti Vuçiq tha se do të kalonte në një fazë tjetër nëse Kosova do të ishte anëtare e Këshillit të Evropës dhe për rrjedhojë do të njihej si një shtet tjetër.”
Ai ka përmendur edhe tërheqjen e trupave spanjolle në kuadër të KFOR’it në vitin 2009, për çka thotë se u bë “në mënyrë të çuditshme”.
Pursals vlerëson se nëse Spanja avancon në njohjen e Palestinës, duhet të avancojë edhe në njohjen e Kosovës pasi sipas saj po afrohen kohë të vështira në Ballkan duke marrë parasysh pushtimin e Ukrainës dhe “lëvizjet ultranacionaliste” të Millorad Dodik dhe Aleksandar Vuçiq.