Policia e Kosovës ka kërkuar bashkëpunim nga qytetarët për arrestimin e Shkëlzen Ahmetit, një personi të dyshuar për vrasje të rëndë në tentativë.
Shkëlzen Ahmeti, djali i Ismet Ahmetit, ish-kryeshefit të Ujësjellësit Rajonal ‘Gjakova’, vazhdon të jetë në arrati për plagosjen e dy afaristëve Driton e Jon Stublla, si dhe një klienti të një kafeneje në Gjakovë më 10 mars.
Drejtoria Rajonale e Policisë në Gjakovë thotë se bazuar në autorizimin e Prokurorisë Themelore në Gjakovë për publikimin e fotografisë të personit të dyshuar në rast, me qëllim lokalizimin e tij, lëshon kërkesë për bashkëpunim me qytetarët.
Personi i dyshuar është: Shkelzen (Ismet) Ahmeti i lindur me 14.08.1992 banues në Gjakovë.
Lidhur me rastin “Vrasje e rëndë në tentativë” dhe “Mbajtja në pronësi, kontroll, posedim të paautorizuar të armëve” pranë Sektorit Rajonal të Hetimeve në Drejtorinë Rajonale të Policisë- Gjakovë janë duke u zhvilluar hetime intensive ku gjatë veprimeve hetimore është identifikuar i dyshuari i lartcekur.
