Presidentja Vjosa Osmani, kryeministri Albin Kurti, dhe kryetari i Kuvendit, Glauk Konjufca kanë bërë homazhe në Prekaz për nder të përvjetorit të 26-të të Epopesë së UÇK-së.
Bashkë me ta ishin edhe ministrja e Jashtme, Donika Gërvalla, ministri i Shëndetësisë, Arben Vitia, ministri i Bujqësisë, Faton Peci dhe të tjerë.
Të martën Prekazi u vizitua nga shumë qytetarë të ardhur nga të gjitha viset shqiptare.
Kurse, në Kuvendin e Kosovës është mbajtur seancë solemne për Epopenë e UÇK-së.
Gjithashtu një manifestim është mbajtur në kazermën ‘Adem Jashari’ në Prishtinë.
Në të gjitha aktivitetet u vlerësua lartë sakrifica e familjes Jashari për lirinë e Kosovës.