Zëvendës Komandanti i Policisë së Kosovës për rajonin e veriut, Veton Elshani, ka thënë për “KoSSeV” se kontrolli policor në dy shkolla në Leposaviq u bë pasi ka pasur informacione për “gjëra të paligjshme” dhe se kjo ka qenë arsyeja e kontrollit.
Megjithatë, Elshani njoftoi se nga kontrolli nuk ka rezultuar ndonjë gjetje.
“Ka pasur informacione që diçka të paligjshme ka pasur aty. Së bashku me mbikëqyrësit e shkollës ishim aty dhe kërkuam”, ka thënë ai.
Pyetur konkretisht se çka janë “gjërat e paligjshme”, Elshani nuk ka shpjeguar më tej.
“Çka mund të jetë e paligjshme. Ka qenë informacion i mjaftueshëm për ne që të shkojmë në atë vend dhe të shohim. Nuk gjetëm diçka”, ka thënë ai.