Propozimi i Wolves për ta hequr sistemin VAR nga sezoni i ardhshëm do të refuzohet në takimin e klubeve të Premier Ligës të enjten.
Klubi i Wolves shkaktoi një propozim të paprecedentë, pasi pretendoi se ‘çmimi që po paguajmë për një rritje të vogël të saktësisë në referim, është në kundërshtim me frymën e lojës’.
Ky propozim do të hidhet në votim në një mbledhje të aksionerëve në Harrogate, ku do të votojnë përfaqësues nga të 20 skuadrat që do të marrin pjesë në Premier Ligë sezonin e ardhshëm.
Wolves ka nevojë për 13 klube të tjera për të votuar në favor të heqjes së VAR-it, megjithëse The Telegraph raporton se kjo nuk ka gjasa të ndodhë.
Mediat në ishull raportojnë se Manchester United, Liverpool dhe West Ham janë ndër klubet që mendojnë se sistemi VAR duhet të qëndrojë – por me përmirësime.
The Telegraph raporton se klubeve do t’u jepet një propozim për një marrëveshje që është arritur me kompaninë amerikane të softuerit Second Spectrum, e cila përdor teknologjinë AI dhe një çip në top për të identifikuar kur sulmuesit janë përpara mbrojtësve.
Në takim do të diskutohen gjithashtu përmirësime dhe ndryshime të tjera të mundshme në sistemin VAR.
Mail Sport muajin e kaluar raportoi se Wolves ishte skuadra më e dëmtuar nga vendimet e sistemit VAR.