Grupi i deputetëve katalunas “Junts”, i kanë propozuar parlamentit të Spanjës njohjen e Pavarësisë së Kosovës.
Nesër do të dorëzohet nisma nga “Junts”, ndërsa votimi do të mbahet me datë 25 qershor.
Partia katalunase “Junts per Catalunya”, njëherit pëfaqësuse e Parlamentit të Spanjës, ka propozuar njohjen e Pavarësisë së Kosovës, duke argumentuar se Kosova njihet nga 100 vende, 22 prej tyre janë anëtare të BE-së.
“Refuzimi i Spanjës për të njohur një shtet që përdori të drejtën e tij legjitime për vetëvendosje është një pengesë për politikën evropiane të përfshirjes së Ballkanit Perëndimor në BE dhe ky është një faktor destabilizimi i zonës në një kontekst të karakterizuar nga lufta në Ukrainë që kjo pjesë e Evropës po e përjeton me ankth të veçantë”, thonë nga “Junts” në memorandumin shpjegues.
Sipas këtyre të fundit, nuk është e pranueshme që një shtet si Spanja të ndajë të njëjtën strategji si Rusia, Kina dhe Bjellorusia në refuzimin e njohjes së Kosovës.