Inspektorati i Punës ka shqiptuar sot ndaj Radiotelevizionit të Kosovës gjobën në vlerë prej 2 mijë eurosh.
Lajmin e ka bërë të ditur Sindikata e Pavarur e RTK-së.
Kjo është gjoba e dytë që televizioni publik po merr brenda pak ditësh.
Në qershor, Inspektorati i Punës gjobiti RTK-në për suspendim të paligjshëm të njërit prej punonjësve.
“Në vendimin 01 Nr. 25-120/2024 të Inspektoratit të Punës thuhet se drejtori i përgjithshëm në marrjen e vendimit të datës 18.04.2024 me të cilin e anulon konkursin për vendin e punës “Udhëheqës i TV Produksionit’’ ka vepruar në kundërshtim me nenin 6 paragrafin 5 pika 5.1 dhe 5.2 të udhëzimit administrative 07/2017 për proceduarat e konkursit në sektorin publik”, thuhet në njoftimin që ka publikuar Sindikata.