Gazeta raportoi sot për një rast që ka ndodhur në Sllatinë, ku zyrtarët policorë rrethuan me shirita një lokacion ku ndodhej një veturë. Nga Policia tashmë e kanë konfirmuar se një person është gjetur pa shenja jete brenda veturës.
Lajmi është bërë i ditur nga zëdhënësi i Policisë për rajonin e Prishtinës, Agron Borovci, i cili tha se bëhet fjalë për një burrë.
“Rreth orës 07:30, kemi pranuar informatën për një trup të pa jetë brenda një veture në fshatin Sllatinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull.”
“Aktualisht policia po ndërmerr të gjitha veprimet e duhura hetimore dhe ato të ekzaminimit, me qëllim sqarimin dhe ndriçimin e plotë të ngjarjes dhe në koordinim me prokurorin e shtetit ka nisur një hetim mbi vdekjen.”