Presidentja ka realizuar një emision me fëmijë për nder të festave të fundvitit. Një vajzë e vogël në emisionin “Familja Jonë” në Kanal 10 e pyeti Osmanin se “pse nuk i drejton flokët”.
Ajo ka thënë se nuk ka kohë që t’i drejtojë flokët, dhe se shumë rrallë i ndodh që ta bëjë këtë.
“Flokët nuk kam kohë me i drejtu. Kjo është e vetmja arsye. Dhe ndoshta arsyeja e dytë sepse njerëzit janë mësu me më pa me flokë kaçurrela. Edhe është një prej atyre tipareve tipike për të cilën më njohin njerëzit që një kohë shumë shumë të gjatë që unë kam fillu me u marrë me politikë dhe me i përfaqësu qytetarët”, tha Osmani.
Më tutje, Osmani i premtoj fëmijës së nëse do t’i drejtojë flokët, do të publikojë një fotografi.
“Ndoshta më ndodh një herë në dhjetë vite me i drejtu, më shpesh nuk më ka ra, por po të premtoj që në qoftë se i drejtoj së shpejti ka me i fotografu edhe ka me i publiku që me i pa edhe ti”, u shpreh Osmani.