Një ngjarje e rëndë ka ndodhur mëngjesin e sotëm në në lagjen Jeta e Re në Prizren, ku një person është gjetur pa shenja jete, raporton Gazeta Prishtina Sot.
Vdekjen e tij e ka konfirmuar ekipi mjekësor në vendin e ngjarjes.
Gazeta ka mësuar edhe emrin e viktimës e që bëhet fjalë për Kadri Krasniqin – rreth 66 vjeçar.
Gazeta mëson se trupi i pajetë është dërguar në IML për obduksion, ndërsa janë kryer ekzaminimet e nevojshme nga Policia.
Pas përfundimit të procedurave policore, Prokurori i Shtetit ka urdhëruar që të iniciohet rasti si “Hetim i vdekjes”.
Lajmi është konfirmuar edhe nga Policia Rajonale në Prizren.