Një ngjarje e rëndë ka ndodhur dje në Mitrovicë, ku një person është gjetur pa shenja jete në shtëpinë e tij në rrugën ‘Safet Boletini’. Gazeta mëson se viktima është profesori dhe inxhinieri, Halit Morina, 69-vjeçar.
Burimet e Gazetës brenda Emergjencës kanë bërë me dije se kanë pranuar thirrje për ndihmë nga djali i të ndjerit, i cili e kishte gjetur viktimën pa ndjenja.
Ekipi mjekësor i Emergjencës ka dalë në vendin e ngjarjes dhe pas ekzaminimeve për shenjat vitale kanë konstatuar vdekjen e viktimës. Po ashtu lidhur me rastin është njoftuar edhe Policia e Kosovës, të cilët kanë dalë në vendin e ngjarjes, të cilët pas marrjes së informacioneve kanë konstatuar se nuk bëhet fjalë për vdekje të dyshimtë.
Lajmin e dhimbshëm për vdekjen e të ndjerit e kanë dhënë edhe familjarët e tij, të cilët kanë njoftuar se ceremonia mortore është mbajtur sot me namazin e drekës në varrezat e Shipolit në Mitrovicë.