Dje në orën 20:15 në rrugën “Marshall Tito” në Tetovë, policia e Maqedonisë së Veriut e ka arrestuar një kosovar me vendbanim të përkohshëm në Shkup.
Ai dyshohet se një ditë më parë e ka ndezur zjarrin në bodrumin e Komunës së Tetovës. I dyshuari është ndaluar në komisariat dhe pas dokumentimit të rastit ndaj tij do të bëhet kallëzimi përkatës, raporton Tvklan MK.
Kujtojmë se nga zjarri në Komunën e Tetovës është dëmtuar një pjesë e arkivit dhe materialeve zgjedhore.