Disa influencerë të mediave sociale po inkurajojnë njerëuit që të mos përdorin krem kundër diellit në përpjekje për të ‘shëruar’ aknet. Por mjekët thonë se pasojat mund të jenë shkatërruese.
Ekspertët shëndetësorë po paralajmërojnë kundër një tendence të rrezikshme që qarkullon në rrjetet sociale që po inkurajon njerëzit të mos përdorin krem kundër diellit.
Një numër në rritje i videove në platformën e njohur të mediave sociale TikTok po sugjerojnë se marrja e djegieve nga dielli mund të funksionojë si një nxitje shëndetësore ose madje të ndihmojë në heqjen e akneve.
Mjekët në Spitalin Queen Victoria në Britaninë e Madhe kanë denoncuar shpejt trendin viral, duke shpjeguar se mund të rrisë shanset për të zhvilluar kancer të lëkurës, raporton Euronews.
“Ndërsa ka përfitime shëndetësore që lidhen me marrjen e mjaftueshme të dritës së diellit, kremi kundër diellit duhet të përdoret ende për të ndihmuar në uljen e rrezikut të zhvillimit të kancerit të lëkurës”, thanë ata në një deklaratë.
“Sa më shumë episode të djegies nga dielli gjatë gjithë jetës tuaj, aq më i madh është rreziku i zhvillimit të kancerit të lëkurës, si dhe plakjes së parakohshme të lëkurës”. Ndikimi i këtij trendi mund të jetë i gjerë,” thanë ata.