Dëshmitari i radhës, Demush Krasniqi, po dëshmon në rastin kundër ish-krerëve të UÇK’së në Hagë.
Krasniqi po merret në pyetje nga mbrojtja e ish-presidentit Hashim Thaçi lidhur me një përpjekje të degës së LDK-së në Malishevë për largimin e ish-presidentit Ibrahim Rugova nga pozita e të parit të këtij subjekti politik.
Dëshmitari Krasniqi ka thënë se nuk është në dijeni se në shkurt të 1998-ës Gani Krasniqi dhe Isni Kilaj kishin organizuar një Asamble të Përgjithshme për largimin e Rugovës.
Dëshmitari është pyetur nëse është në dijeni se Cen Desku dhe Jakup Kastrati kishin mbështetur Fatmir Limajn për komandant zone, mirëpo ai ka mohuar të ketë dijeni për një gjë të tillë.