Aksidentet e trafikut kohëve të fundit janë shtuar në rrugët e vendit, ku në të shumtën e rasteve po përfundojnë me lëndime trupore, raporton Gazeta Sinjali.
Një i tillë ka ndodh edhe mbrëmjen e kaluar në Prishtinë, ku për pasojë janë lënduar tre persona. Siç njofton Policia aksidenti ka ndodhur në mes të dy automjeteve dhe një motoçiklete.
“Si pasojë e aksidentit lëndime trupore kanë pësuar tre persona, vozitësja e motoçikletës e cila është në gjendje të rëndë dhe dy pasagjerë, një mashkull dhe një femër kosovare”, thuhet në raport.
Lidhur me rastin është arrestuar e dyshuara femër shtetase e huaj dhe e njëjta me vendim të prokurorit dërgohet në mbajtje.