Agjencia Kosovare e Inteligjencës (AKI) përmes një komunikate për media të publikuar në faqen zyrtare ka njoftuar për vizitën dhe takimin që kreu i CIA-s, William Burns, kishte pasur me kreun e AKI-së, Petrit Ajetin, më 22 gusht
AKI ka bërë të ditur se në shenj mirënjohjeje për SHBA-në, CIA-n dhe personalisht William Burns, në objektin qendror të AKI-së është vendosur pllaka simbolike ku janë të vendosura dy emblemat e dy agjencive, CIA dhe AKI.
![](https://i0.wp.com/sinjali.com/wp-content/uploads/2024/09/image-9-1024x683.png?resize=1024%2C683&ssl=1)
Pllakën e kanë zbuluar dy drejtorët, Petrit Ajeti dhe William Burns.
![](https://i0.wp.com/sinjali.com/wp-content/uploads/2024/09/image-8-1024x683.png?resize=1024%2C683&ssl=1)
Në këtë pllakë, përveç emblemave të dy agjencive, qëndron mesazhi që ia kishte transmetuar oficeri ushtarak amerikan Joseph Burns të birit të tij, William Burns-it: “Asgjë nuk mund të të bëjë më krenar sesa shërbimi me nder ndaj vendit tënd!”
![](https://i0.wp.com/sinjali.com/wp-content/uploads/2024/09/image-7-1024x683.png?resize=1024%2C683&ssl=1)