A e keni vënë re ndonjëherë mungesën e dukshme të orëve ndërsa endeni nëpër korridoret e një qendre tregtare?
Ky vëzhgim në dukje i parëndësishëm ka ndezur kuriozitet dhe debat, duke hedhur dritë mbi një zgjedhje të qëllimshme të rrënjosur thellë në psikologjinë e konsumatorit. Në atmosferën plot zhurmë të qendrave tregtare, ku dyqanet janë joshëse dhe shumëllojshmëria e mallrave është verbuese, koha priret të kalojë pa u vënë re.
Pavarësisht krizës aktuale të kostos së jetesës, blerjet mbeten një dëshirë e pashuar për shumë njerëz.
Përvoja e blerjeve shkon përtej blerjes së thjeshtë të mallrave, është një ritual kulturor, një ditë plot eksplorim dhe kënaqësi. Megjithatë, mungesa e orëve është pjesë e një strategjie të krijuar për të manipuluar perceptimin tonë për kohën.
Laura Geige, një psikologe që foli për Metro, e quajti këtë taktikë një “strategji të hartuar me përpikëri ” që përdor psikologjinë mjedisore.
Qendrat tregtare, sipas Geige, janë krijuar për të qenë “universe të pavarura “, ku fshihet marshimi i pamëshirshëm i kohës, duke inkurajuar konsumatorët të qëndrojnë më gjatë dhe, në mënyrë të pashmangshme, të shpenzojnë më shumë.
Kjo praktikë e largimit të blerësve nga kalimi i kohës, duke i bërë ata më pak të vetëdijshëm për kohëzgjatjen e shfletimit të tyre, është një shfrytëzim i zgjuar i “deformimit të kohës “, një fenomen që synon të çlirojë njerëzit nga kufizimet kohore të botës reale.
Mungesa e orëve në qendrat tregtare nuk është një anashkalim, por një zgjedhje strategjike, që synon të zhytë vizitorët në një mjedis ku koha nuk kalon.
Kjo është një taktikë e njohur që përdoret edhe në kazinotë e Las Vegasit.