Nga 3 prilli 2024, në Kosovë ka nisur së zbatuari Ligji i ri për rregullat e trafikut rrugor, i cili ka për qëllim veçanërisht rritjen e sigurisë rrugore dhe mbrojtjen e jetës, shëndetit dhe pronës së pjesëmarrësve në trafik.
Ky ligj parasheh masa më të ashpra ndëshkuese për të gjithë ata që kryejnë kundërvajtje.
Vetëm në 24 orët e fundit, Policia e Kosovës, ka shqiptuar 2 mijë e 80 tiketa në trafik, raporton Sinjali.
Gjatë kësaj periudhe, Policia ka bërë të ditur se janë shkaktuar 17 aksidente me të lënduar dhe 41 me dëme materiale.