Gjykata Speciale ka bastisur sot shtëpitë e ish-eprorit të UÇK-së, Sylejman Selimit dhe ish-ministrit të Drejtësisë, Hajredin Kuçit.
Zëdhënësi i Zyrës së Prokurorit të Specializuar, Christopher Bennett, konfirmoi se ZPS-ja po kryen operacione të vazhdueshme, të cilat mbështeten nga EULEX-i dhe Policia e Kosovës.
“ZPS-ja po kryen operacione të vazhdueshme me mbështetjen e EULEX-it dhe Policisë së Kosovës”, tha Bennett.
Nuk dihen arsyet për këto bastisje, megjithatë bazuar nga bastisjet në të kaluarën, mund të ketë ndërlidhje me akuzat për pengim të drejtësisë.