Kryeministri i Kosovës, Albin Kurti, shprehet i lumtur që u takua me Sekretarin e Shtetit të Irlandës Veriore, Chris Heaton-Harris në Kështjellën Hillsborough.
Me anë të një postimi në llogarinë e tij në platformën X, kreu i qeverisë kosovare shkroi se si në Kosovë, ashtu edhe në Irlandën Veriore, qytetarët e të gjitha komuniteteve duan një shoqëri të sigurt, të begatë dhe të integruar.
“Ne ramë dakord për të eksploruar bashkëpunimin e mëtejmë ndërmjet Kosovës dhe Irlandës Veriore, veçanërisht në ekonomi dhe kulturë”, shkroi Kurti.