Bahri Karaça është shkarkuar nga pozita e drejtorit të minierës së Trepçës. Shkarkimi i tij erdhi si pasojë e ngjarjës së djeshme ku u lënduan 12 minatorë nga rrjedhja e acidit sulfurik brenda minierës, raporton Prishtina Sot.
Dje u raportua se Karaça i doli në ndihmë minatorëve të lënduar, e që në lajthitje kishte rënë edhe menaxhmenti.
Përmes një komunikate theksuan se ”ekipet shpëtuese të minierës në krye me Udhëheqësin e Njësisë Biznesore Bahri Karaqa kanë reaguar me shpejtësi për evakuimin e punëtorëve të lënduar nga miniera dhe dhënien e ndihmës së parë duke vazhduar me trajtim të mëtutjeshëm në Spitalin Rajonal të Mitrovicës”.
Por që në të vërtetë, të lënduarit ishin ndihmuar nga vetë minatorët. Këtë e kanë pohuar minatorët gjatë prononcimeve nëpër media të ndryshme.
Në vend të Karaçës, në pozitën e drejtorit të minierës është emëruar Shyqri Sadiku.
Shyqri Sadiku është emër i njohur për minatorët, pasi që për një kohë të gjatë kishte drejtuar minierën dhe sindikatën e minatorëve./Prishtina Sot/