Dita e djeshme ishte e kobshme për familjet Metaj dhe Mehmetaj në Istog, që humbën më të dashurit e tyre, shkruan Gazeta Prishtina Sot.
Astrit Metaj nga fshati Shushicë e Ulët humbi jetën në rrethana akoma të paqarta, ndërsa gazetari Bler Mehmetaj nga fshati Zabllaq u nda nga jeta pas një sëmundje.
Për humbjen e tyre ka njoftuar edhe Komuna e Istogut, me ç’rast kanë shprehur ngushëllime për dy familjet.
“Të nderuara familje Metaj dhe Mehmetaj, në këtë ditë tejet të vështirë, pranoni ngushëllimet më të sinqerta për humbjen e më të dashurve tuaj. Jo vetëm familja, por të gjithë qytetarët e Komunës së Istogut bashkëndjejmë dhimbjen me familjarët, shokët, miqtë dhe të gjithë ata të cilët i njohën Astritin dhe Blerin”.