Ministrat shqiptarë në Qeverinë e Maqedonisë së Veriut kanë bojkotuar pritjen zyrtare të kryeministrit të Serbisë, Millosh Vuçeviq, në Shkup.
Sipas mediave në RMV, kryeministri Hristijan Mickoski, e ka pritur homologun e tij serb vetëm me ministrat maqedonas të kabinetit të tij.
Nuk ka pasur ndonjë reagim publik për këtë nga koalicioni i partive shqiptare që janë pjesë e qeverisë së Maqedonisë së Veriut.
Koalicioni i partive shqiptare në qeveri i njohur si “VLEN”, përfaqësohet me gjashtë ministra, ndërsa njëri prej tyre mban edhe pozitën e zëvendëskryeministrit të parë.