Një person është arrestuar dhe një pushkë sulmi është gjetur pas të shtënave me armë teksa Donald Trump po luante golf në Florida. Trump besohej të kishte marrë pjesë në një raund në kursin ndërkombëtar të golfit në West Palm Beach, kur u dëgjuan të shtënat.
Siç raportohet, agjentët e Shërbimit Sekret panë dikë që dyshonin se kishte drejtuar armën ndaj ish-presidentit, kështu që hapën zjarr.
Aktualisht një person po merret në pyetje nga policia lokale dhe një armë u gjet në shkurret pranë ku luante ish-presidenti, shkruan skynews, përcjell Telegrafi. Më pas, një deklaratë nga Trumpi tha: “Kishte të shtëna armësh në afërsi, por përpara se thashethemet të dilnin jashtë kontrollit, doja që së pari të dëgjoni këtë: JAM I SIGURT DHE MIRË”.
Sherifi Martin William Snyder u tha gazetarëve se oficerët e tij e ndoqën automjetin e dyshuar për një kohë përpara se të bënin një “ndalim krimi”.
“Njësitet tona rrugore morën mjetin dhe pritëm pak, nuk e ndaluam menjëherë, nuk donim një ndjekje me shpejtësi të madhe”, tha sherifi.
“Kështu që ne ishim në gjendje të prisnim derisa të kishim njësitë adekuate, të rrethuam automjetin dhe ta detyronim të ndalonte”, shtoi ai.
Një dëshmitar tha se pa “20 ose më shumë vetura policie që fluturonin nga rrugët aty pranë”, ndërsa ai përshkroi përgjigjen e urgjencës jashtë fushës së golfit të Trumpit.
Ndryshe, të shtënat vijnë dy muaj pasi kandidati republikan për president u qëllua gjatë një atentati në një tubim në Pensilvani.