Kryeministri Albin Kurti në mbledhjen e qeverisë ka njoftuar se gjatë javës së ardhshme Kosovën do të vizitojnë dy ministra të shteteve anëtarë të NATO’s.
Kurti tha se në të gjitha takimet do të diskutohet hapja e urës qendrore në Mitrovicë. Ai theksoi se janë duke e pritur raportin final për gjendjen e Urës së Ibrit, raporton Insajderi.
“Jemi duke i bërë konsultimet e nevojshme për qëndrueshmërinë fizike të urës teksa presim raportin final e deri te përgatitjet për rregullimin e mjedisit rrotull. Hapja e urës është liri e lëvizjes e liria e lëvizjes është e drejt themelore si në Kosovë e në Bashkimin Evropian”, deklaroi kryeministri.