Ministri i Financave dhe Transfereve, Hekuran Murati, ka bërë të ditur se sot është bërë ekzekutimi i shtesave për fëmijë sipas skemës së re, raporton Gazeta Prishtina Sot.
Përmes një postimi në Facebook, ai ka thënë se të gjithë prindërit përfitues sot kanë pranuar në llogaritë e tyre pagesën e shtesave për fëmijë për muajin gusht.
“Sipas skemës së re, ku familjet që kanë deri në dy fëmijë 0-16 vjeç marrin nga 20 euro për secilin, kurse familjet që kanë 3 e më shumë fëmijë 0-16 vjeç marrin nga 30 euro për secilin”.
“Krahas pagesës së shtesave për fëmijë, është bërë edhe pagesa e rregullt për lehonat përfituese, siç rëndom bëhet tashmë çdo muaj.”, ka thënë mes tjerash Murati.
