Deputeti shqiptar në Parlamentin e Serbisë, Shaip Kamberi ka shkruar për një mesazh të ri kërcënues që është bërë për shqiptarët në Bujanoc, raporton Gazeta Prishtina Sot.
Në hyrjen e repartit për fëmijë, në Shtëpinë e Shëndetit në Bujanoc është vendosur një mbishkrim: “Vdekje shqiptarëve. Nuk ju duam. Kosova është Serbi”!.
Kamberi thotë se ky është mesazhi i dytë brenda një jave i këtij lloji.
Ai ka ftuar organet e rendit që të zbardhin rastin në tërësi:
Postimi i plotë:
Mesazh i ri antishqiptar në Bujanoc
Mesazhet kërcenuese për shqiptarët në Bujanoc janë shndrruar në përditshmëri.
Sot, në hyrjen e repartit për fëmijë, në Shtëpinë e shëndetit në Bujanoc, është vendosur ky mbishkrim.
Ky është mesazhi i dytë brenda një jave i këtij lloji.
Gjuha e urrejtjes e kërcënimet ndaj shqiptarëve në Bujanoc kan marr hov. Ftoj organet e rendit që të zbardhin rastin në tërësi.