Pejani Erzen Merxha humbi jetën tragjikisht mëngjesin e së dielës pas një vetaksidenti në trafik në autostradën “Arbën Xhaferi”, raporton Gazeta Prishtina Sot..
Familja ka njoftuar se të ndjerit do t’i jepet lamtumira e fundit sot në varrezat e qytetit.
60-vjeçari ishte pasagjer në veturën që po e drejtonte i biri, i cili fatkeqësisht humbi kontrollin dhe u aksidentuan.
Rastin e ka konfirmuar dje edhe zëdhënësi i Policisë së Kosovës për Prishtinën, Daut Hoxha.
“Një veturë ka devijuar rrugën duke goditur fillimisht anësoren e autostradës dhe me pas duke përfunduar jashtë rrugës.
Si pasojë e aksidentit nga lëndimet e marra ka ndërruar jetë pasagjeri dhe lëndime të rënda trupore ka pësuar vozitësi i veturës, i cili është duke u trajtuar (mjekuar) në QKUK në Prishtinë.
Në vendngjarje kanë dal njësitet kompetente policore dhe ato të emergjencës. Njësia e Mjekësisë ligjore e kanë tërhequr kufomën, e cila me urdhër të prokurorit kujdestar dërgohet në institutin e Mjekësisë Ligjore për Obduksion”.