Një çiklist ka mbetur i vdekur si pasojë e plagëve të marra nga goditja e një veture në Lipjan, raporton Prishtina Sot.
Rasti ka ndodhur dje, rreth orës 17:00 në fshatin Magure dhe lajmi është konfirmuar edhe nga Policia.
Vdekjen e viktimës e ka konstatuar ekipi mjekësor në vendin e ngjarjes. Me vendim të prokurorit, trupi i pajetë i viktimës është dërguar në obduksion.
I dyshuari është arrestuar dhe pas intervistimit me vendim të prokurorit është dërguar ne mbajtje.