Suedia ka njoftuar për paketën e saj të gjashtëmbëdhjetë të ndihmës ushtarake për Ukrainën, paketa më e madhe për Ukrainën që kap vlerën e 1.16 miliard euro.
Qeveria suedeze bëri të ditur se paketa do të lejojë Ukrainën të forcojë mbrojtjen e saj ajrore dhe të përmbushë nevojat e saj prioritare. Si pjesë e kësaj pakete, Suedia do të dorëzojë aeroplanët e mbikëqyrjes dhe kontrollit ASC-890.
Këta aeroplanë do t’i ofrojnë Ukrainës “një aftësi krejtësisht të re kundër objektivave ajrore dhe detare” dhe do të forcojnë aftësinë e saj për të goditur objektivat.Aeroplanët do të pajisen gjithashtu me pajisje trajnimi dhe teknike.
Suedia do të dorëzojë gjithashtu të gjithë stokun suedez të 302 transportuesve të blinduar, për të mbështetur zhvillimin e brigadave të reja të forcave ukrainase.
Paketa përfshin gjithashtu raketa RB 99-AMRAAM, të cilat mund të përdoren në aeroplanë dhe sisteme të mbrojtjes ajrore me bazë tokësore dhe municione artilerie.
Paketa e 16-të e mbështetjes ushtarake përfshin gjithashtu automjetet e ndryshme transportuese, të cilat janë të tepërta në Forcat e Armatosura suedeze, së bashku me mbështetjen financiare për koalicionet e forcave dhe asetet dhe mbështetjen financiare për fonde dhe iniciativa të përkohshme që bëjnë të mundur blerjen e shpejtë të pajisjeve për Ukrainën.