Menjëherë pas rastit, i plagosuri është dërguar në Qendrën Klinike Universitare të Kosovës ku edhe po vazhdon të trajtohet.
Drejtori i emergjencës, Naser Syla ka thënë për lajmi.net se viktima vazhdon të jetë në gjendje të rëndë.
“Ne e kemi pranu një 16-vjeçar, është ende në gjendje të rëndë shëndetësore dhe po i nënshtrohet një ndërhyrjeje kirurgjike”, ka thënë Syla për lajmi.net.
Sipas raportimeve të para nga ky rast thuhet se plaga të cilën mori i mituri është në pjesën e kokës.
Duhet përkujtuar që në lidhje me këtë rast nga Policia e Kosovës nuk kanë dashur të deklarohen ndërsa nga Inspektorati Policor i Kosovës nuk kanë dhënë ende asnjë përgjigje.
Ky nuk është rasti i parë kur zyrtarët policorë kanë përdorur armën.
Një rast i ngjashëm vitin e kaluar pati ndodhur në Zllatar të Prishtinës ku në një aheng zyrtari policor kishte shtënë me armë zjarri në drejtim të kolegut të tij, i cili edhe humbi jetën.