𝐌𝐛𝐚𝐡𝐞𝐭 𝐌𝐛𝐥𝐞𝐝𝐡𝐣𝐚 𝐒𝐨𝐥𝐞𝐦𝐧𝐞 𝐞 𝐊𝐮𝐯𝐞𝐧𝐝𝐢𝐭 𝐊𝐨𝐦𝐮𝐧𝐚𝐥 𝐭𝐞̈ 𝐃𝐫𝐞𝐧𝐚𝐬𝐢𝐭, 𝐩𝐞̈𝐫 𝐧𝐝𝐞𝐫 𝐭𝐞̈ 𝟏𝟓 𝐉𝐚𝐧𝐚𝐫𝐢𝐭, 𝐃𝐢𝐭𝐞̈𝐬 𝐬𝐞̈ 𝐏𝐞̈𝐫𝐤𝐮𝐣𝐭𝐢𝐦𝐢𝐭 𝐭𝐞̈ 𝐆𝐣𝐞𝐧𝐨𝐜𝐢𝐝𝐢𝐭 𝐧𝐝𝐚𝐣 𝐒𝐡𝐪𝐢𝐩𝐭𝐚𝐫𝐞̈𝐯𝐞 𝐧𝐞̈ 𝐊𝐨𝐬𝐨𝐯𝐞̈

Sot gjatë ditës, Kuvendi Komunal i Drenasit, ka mbajtur mbledhjen solemne për nder të 15 Janarit, Ditës së Përkujtimit të Gjenocidit ndaj shqiptarëve në Kosovë.

Të pranishëm përveç kryetarit Lladrovci dhe kryesuesit Milaim Hajdari ishin edhe asamblistët e Kuvendit Komunal të Drenasit, drejtorë të drejtorive komunale, përfaqësues nga shoqëria civile, zyrtarë komunal.
Në këtë mbledhje një fjalë rasti mori kryetari Lladrovci, i cili duke përkujtuar sakrificën e lavdishme të popullit shqiptar të Kosovës nderoi të rënët për lirinë e vendit.
Më poshtë ju sjellim fjalimin e kryetarit Lladrovci bërë për nder të Ditës së Përkujtimit të Gjenocidit ndaj Shqiptarëve në Kosovë :

𝑰 𝒏𝒅𝒆𝒓𝒖𝒂𝒓𝒊 𝒌𝒓𝒚𝒆𝒔𝒖𝒆𝒔 𝒛. 𝑯𝒂𝒋𝒅𝒂𝒓𝒊,
𝑻𝒆̈ 𝒏𝒅𝒆𝒓𝒖𝒂𝒓𝒂 𝒂𝒔𝒂𝒎𝒃𝒍𝒊𝒔𝒕𝒆 𝒆 𝒂𝒔𝒂𝒎𝒃𝒍𝒊𝒔𝒕𝒆̈,
𝑫𝒓𝒆𝒋𝒕𝒐𝒓𝒆̈, 𝒁𝒐𝒏𝒋𝒂 𝒆 𝒛𝒐𝒕𝒆̈𝒓𝒊𝒏𝒋,
𝑻𝒆̈ 𝒏𝒅𝒆𝒓𝒖𝒂𝒓 𝒕𝒆̈ 𝒑𝒓𝒂𝒏𝒊𝒔𝒉𝒆̈𝒎,

Në vitin 2019, në Kuvendin e Republikës së është miratuar Rezoluta e cila e ka definuar terrorin serb në Kosovë me emërtimin e saj real: Rezolutë për gjenocidin e kryer serb në Kosovë.
Dita e kryerjes së masakrës së Reçakut nga forcat serbe, më 15 janar të vitit 1999, është shpallur Ditë e gjenocidit serb në Kosovë. Në arsyetimin e shpalljes së kësaj dite përkujtimore për gjenocidin e kryer serb në Kosovë, thuhet:
Në Konventën për Parandalimin dhe Dënimin e Krimit të Gjenocidit, të miratuar nga Asambleja e Përgjithshme e OKB-së, më 1948, me “gjenocid” nënkuptohet kryerja e cilitdo nga krimet e numëruara në nenin II të kësaj konvente:
(𝒂) 𝒗𝒓𝒂𝒔𝒋𝒂 𝒆 𝒂𝒏𝒆̈𝒕𝒂𝒓𝒆̈𝒗𝒆 𝒕𝒆̈ 𝒈𝒓𝒖𝒑𝒊𝒕;

(𝒃) 𝒄𝒆𝒏𝒊𝒎𝒊 𝒊 𝒓𝒆̈𝒏𝒅𝒆̈ 𝒊 𝒊𝒏𝒕𝒆𝒈𝒓𝒊𝒕𝒆𝒕𝒊𝒕 𝒇𝒊𝒛𝒊𝒌 𝒐𝒔𝒆 𝒎𝒆𝒏𝒅𝒐𝒓 𝒊 𝒂𝒏𝒆̈𝒕𝒂𝒓𝒆̈𝒗𝒆 𝒕𝒆̈ 𝒈𝒓𝒖𝒑𝒊𝒕;
(𝒄) 𝒗𝒆̈𝒏𝒊𝒂 𝒆 𝒈𝒓𝒖𝒑𝒊𝒕 𝒒𝒆̈𝒍𝒍𝒊𝒎𝒊𝒔𝒉𝒕 𝒏𝒆̈ 𝒌𝒖𝒔𝒉𝒕𝒆 𝒕𝒆̈ 𝒕𝒊𝒍𝒍𝒂 𝒕𝒆̈ 𝒋𝒆𝒕𝒆̈𝒔, 𝒒𝒆̈ 𝒔𝒋𝒆𝒍𝒍𝒊𝒏 𝒛𝒉𝒅𝒖𝒌𝒋𝒆𝒏 𝒆 𝒑𝒍𝒐𝒕𝒆̈ 𝒇𝒊𝒛𝒊𝒌𝒆 𝒐𝒔𝒆 𝒕𝒆̈ 𝒑𝒋𝒆𝒔𝒔𝒉𝒎𝒆 𝒕𝒆̈ 𝒕𝒊𝒋;
(𝒅) 𝒏𝒅𝒆̈𝒓𝒎𝒂𝒓𝒓𝒋𝒂 𝒆 𝒎𝒂𝒔𝒂𝒗𝒆 𝒑𝒆̈𝒓 𝒑𝒆𝒏𝒈𝒊𝒎𝒊𝒏 𝒆 𝒍𝒊𝒏𝒅𝒋𝒆𝒗𝒆 𝒃𝒓𝒆𝒏𝒅𝒂 𝒈𝒓𝒖𝒑𝒊𝒕; 𝒅𝒉𝒆
(𝒆) 𝒕𝒓𝒂𝒏𝒔𝒇𝒆𝒓𝒊𝒎𝒊 𝒊 𝒅𝒉𝒖𝒏𝒔𝒉𝒆̈𝒎 𝒊 𝒇𝒆̈𝒎𝒊𝒋𝒆̈𝒗𝒆 𝒏𝒈𝒂 𝒏𝒋𝒆̈𝒓𝒊 𝒈𝒓𝒖𝒑 𝒏𝒆̈ 𝒕𝒋𝒆𝒕𝒓𝒊𝒏;
(𝒇) 𝒌𝒖𝒓 𝒌𝒓𝒊𝒎𝒊 𝒆̈𝒔𝒉𝒕𝒆̈ 𝒃𝒆̈𝒓𝒆̈ 𝒎𝒆 𝒒𝒆̈𝒍𝒍𝒊𝒎 𝒒𝒆̈ 𝒕𝒆̈ 𝒔𝒉𝒌𝒂𝒕𝒆̈𝒓𝒓𝒐𝒉𝒆𝒕 𝒕𝒆̈𝒓𝒆̈𝒔𝒊𝒔𝒉𝒕 𝒐𝒔𝒆 𝒑𝒋𝒆𝒔𝒆̈𝒓𝒊𝒔𝒉𝒕, 𝒏𝒆̈ 𝒂𝒔𝒑𝒆𝒌𝒕𝒊𝒏 𝒇𝒊𝒛𝒊𝒌 𝒐𝒔𝒆 𝒃𝒊𝒐𝒍𝒐𝒈𝒋𝒊𝒌 𝒏𝒋𝒆̈ 𝒈𝒓𝒖𝒑 𝒌𝒐𝒎𝒃𝒆̈𝒕𝒂𝒓, 𝒆𝒕𝒏𝒊𝒌, 𝒓𝒂𝒄𝒐𝒓 𝒐𝒔𝒆 𝒇𝒆𝒕𝒂𝒓, 𝒔𝒊 𝒊 𝒕𝒊𝒍𝒍𝒆̈.

– faktet se gjatë luftës së viteve 1998-1999 në Kosovë forcat e armatosura të Serbisë, në operacionet luftarake të ndërmarra, me qëllim që të shkatërrohen shqiptarët si grup kombëtar, etnik dhe fetar i ndryshëm nga serbët, kanë vrarë 1392 fëmijë shqiptarë, 1739 gra shqiptare dhe rreth 10.000 civilë të tjerë shqiptarë të të gjitha moshave;
Kuvendi i Kosovës ka konstatuar se vrasjet e fëmijëve, e grave, e pleqve dhe e civilëve shqiptarë të moshave të ndryshme gjatë luftës së viteve 1998-1999 në Kosovë, përbën krim të gjenocidit në kuptimin si përkufizohet gjenocidi me Konventën për Parandalimin dhe Dënimin e Krimit të Gjenocidit.
Të nderuar asamblistë,
Rezoluta ka konstatuar po ashtu se:
– pas përfundimit të luftës në Kosovë nuk është bërë asnjë dënim politik i gjenocidit të dëshmuar të regjimit serb në Kosovë;
– institucionet politike dhe të drejtësisë në Serbi vazhdojnë të mohojnë krimin e gjenocidit në Kosovë dhe, rrjedhimisht, refuzojnë riparimin e dëmeve të shkaktuara;
“Janë gjetur varreza masive në Serbi. Shteti serb vazhdon të fshehë të vërtetën edhe për mbi 1.600 persona të zhdukur. U shkatërruan mbi 100 mijë objekte banimi, ndërtesa shkollore, objekte fetare e kulturore, shkolla, xhami dhe kisha katolike”, thuhet më tej në rezolutë.
Zonja e zotërinj,
Askush më mirë se ne këtu, nuk e di vërtetësinë e veprave makabre të okupatorit serb dhe emërtimin për veprat e tyre të quhen gjenocidi serb, nga Ahmet Delia e këndej.
Kujtojmë Likoshanin, Qirezin, Prekazin, Vërbocin, Çikatovën, Paklekun, Abrinë,… dhe njëqind masakrat tjera masive në Kosovë.
Kujtojmë këtu, familjen Ahmeti, Muqolli, Deliu, Familjen Elshani, Morina, Familjen Caraku…dhe mijëra familje tjera të cilat pësuan nga gjenocidi serb.
Ne nuk harrojmë, por, nëse harrojmë, kjo histori tragjike do të na përsëritet.
Të nderuar asamblistë,
Të nderuar qytetarë,
Gjenocidi serb kundër popullit shqiptar, nuk është kohëve të reja. Ky gjenocid filloi më 1871, për të marrë hov pas Kongresit të Berlinit, në luftërat Ballkanike, Luftën e Parë Botërore, Luftën e Dytë Botërore, për të vijuar në luftën e fundit, të udhëhequr nga Ushtria Çlirimtare të Kosovës.
Historia e njeh qëndresën e Ahmet Delisë, të Azem e Shotë Galicës, e njeh rezistencën e Shaban Polluzhës, të Rifat Berishës, të Tahir Mehës e deri te Komandanti legjendar Adem Jashari dhe UÇK-ja e cila e realizoi idealin shekullor, çlirimin nga okupatori serb.
Besoj e keni lexuar dialogun kur Gjenerali amerikan Klark në bashkëbisedim me kriminelin Millosheviq, më 1998, flet për ndaljen e dhunës kundër shqiptarëve.
Po e parafrazoj: “Gjeneral Klark, dimë ne si të sillemi me këta shqiptarët, kishte thënë krimineli Millosheviq, “e kemi bërë edhe më parë. E keni bërë? i thashë. -Po, tha, në 1946. Po si kështu? –I vramë. I vramë të gjithë. Ma tha drejtpërdrejt, në fytyrë”, ka shkruar Gjenerali Klark.
Ky vend ku kriminelët serb kryen krime, duke i vrarë të gjithë, ishte Drenica.
Këtë, vit, kombi shqiptar dhe Drenica nuk e harron. Prandaj lindi UÇK-ja.
Këtu në Drenicë, djepi i rezistencës shekullore, u bë zonë e ballafaqimit final, nga ku u ndez flaka e lirisë me Jasharajt legjendar dhe sakrifica mbinjerëzore, morëm përkrahjen e botës demokratike dhe krijuam aleancën e pashkëputshme me kombet e lira.
Të nderuar asambleistë,
Në Ditën e gjenocidit serb në Kosovë, kujtojmë me nderim, heronjtë, dëshmorët dhe martirët e kombit.
Kujtojmë dhe nderojmë, prijësit e luftës dhe paqes, të cilët padrejtësisht nuk janë sot me ne, Hashim Thaçin, Kadri Veselin, Jakup Krasniqin, Rexhep Selimin dhe të tjerët.
I kujtojmë me nderim, të gjithë ata që ndër breza kontribuuan për emancipimin nacional, fuqizimin e ndjenjës kombëtare dhe çlirimin e vendit, nderojmë të rënët në mbrojtje të kombit dhe vlerave atdhetare.
Lavdi Ushtrisë Çlirimtare të Kosovës!
Lavdi heronjve, dëshmorëve dhe martirëve të lirisë!
Ju faleminderit!